Вершы пра маці

Мама, мацi, матуля...

Размова з маці

Размова з маці

Яшчэ не ацэнена

Будзь мяккай ёй, зямля,
Будзь неба ёй ласкавым,
З матуляй размаўляў
Я, помню, так яскрава:

– Ну як там Гарбачоў?
– З Фаросу ўжо вярнуўся!

– Малітвы Бог пачуў –
Ад нас не адвярнуўся!

– Пасланы Богам, ён
Нам вызваліў сумленне,
Што некалі ў палон
Узяў антыхрыст Ленін!

– Як цяжка перажыць
Было, калі Саветы
Зусім хацелі зжыць
Усіх святых са свету!

– А колькі знёс абраз –
Мой бацька! –
Во здзівіўся б:
Нібы стары абраз,
Час гэтак аднавіўся!

– Адновіцца яшчэ
Нямала ўсюды храмаў. –

І слёзы тут з вачэй,
Як воск са свечкі,
ў мамы...

1991