Вершы пра маці

Мама, мацi, матуля...

Рукі колячы заўжды...

Рукі колячы заўжды...

Яшчэ не ацэнена

Рукі колячы заўжды,
Маці лён скубла саўгасны,
У бабку ставіла снапы,
Іх звязаўшы перавяслам.

Да саўгаснай МТФ
Год пятнаццаць адхадзіла,
Раўматызм і вузлы вен
З тых каровак зарабіла.

А за дзетак васьмярых
Далі Славы медалі,
Я, бадай, сярэдні з іх,
Не стары, не малады.

Маці, маці! Бліны ў хаце,
Хлеб жытнёвы, сырадой,
Роду нашаму на шчасьце
Дабрыня й сьвятло тваё.
-04.03.17.