Вершы пра маці

Мама, мацi, матуля...

Маці

Маці

Сярэдняя: 4 (4 галасоў)

Змярканне лепіць цень да столі.
Малы, цягнуся, каб схапіць
ружовы бохан спелай поўні,
на срэбры пальцы сашчапіць.

Матулін твар усмешкай ззяе.
I шчасця шчырая сляза
як долу падае — ўзрастае
дзівоснай кветкай хараства.

I песцяць стомленыя вочы
спакой маленькага сынка...
Ужо змяніў світанак ночку,
а матчына не спіць рука.